La bête faramine
_ Siti vos à bas mes ch’tits quinquins ,nos van causé su sa d’la bête faramine. Vos en avi ti pou ?
- Un p’tion...
- Na, ma dz’é pas pou, al vin pas tant qu’itié !
- Al corre pas aprés l’monde...
Acouti don ! Ste bête faramine, al é yamou su l’San Rigaud ; al pou voua tant qu’vé nos, pi tant qu’à Tsarolles, pi tant qu’u Biaudzolas, pi arri d’o qu’al vin, d’Solutré, ste piârre d’lé d’vant Mâcon. Al y a tsomé d’za quand y avo des tsvaus ; al éto arri tsvau tant qu’u dzo qu’des éboressis avin aqueulé des tsvaus yavo ; yavo, tant qu’is en crevin u pid d’la rotse ; ma leuille al en avo rétsapé, al éto devni bôrgne.
Asteur al poyo cori su les les piârres, y é les éboressis qu’avin pou ! al en fayo pas ben du ts’min, al a pri des aules ; y é man san qu’la traverse l’a m’né tant qu’u San Rigaud. D’yamou al avise tot !
- Qui qu’al mandze ?
- Al mandze pas l’monde, pas les ch’tits ; al mandze des oyesses, des tsatagnes, y li en fau pas bié !
- Al a ti un dâr ?
- Qui qu’a di san ? Al vou pas qu’nos meûrrin ! Y en a qu’ l’an vu su eune tseum’née, qu’y éto pe v'ni qu'ri quéqu’un p’le m’né en badoule. Ma san, dz’y pou pas crâre !!
'
Texte de B. L. la bête faramine en version modérée. Plutot Vergisson que Solutré peut-être, mais il y a beaucoup de bêtes faramines sur un grand territoire. Et de nombreuses cousines : la Vouivre, la Mère Engueule,etc ...
quinquins enfants
tsomé habité
éboréssis chevelus, mal peignés
aqueulé versé, benné
yavo en bas
dâr faux (symbole de la mort)
aules ailes
badoule cimetière