La fin du Père Bû
oOo
Une ptchète histouère
revue apeu corridzée
p'le Dzouzet d'la Brîre.
oOo
L'père Bû étot bié mlède,
Dépeu maîs d'trâs dzos ô mandzot quasiment ren :
D'la sope u lait, quéques feûilles d'salède...
Ôl 'tot privé d'viande apeu d'vin bllanc.
Un matin sa pourre viéle feune,
Wòyant qu'sòn homme de vive avot pu sa,
S'en alla qri l'docteur de crainte qu'ô peutefeune.
L'médecin lu dit qu'sòn homme sra mô le lendmain sa,
Qu'i fallot ren lu dère, paraîte contente,
Apeu lu doñner à mandzi tot c'qu'ôl aiñme bié.
La brave feune prend eune mine souriante,
S'appreutse du vieux qu'est dans son llet
Apeu lu dit : qui qu'te voux mandzi que t'frot pllaisi,
Des treuffes u freumâdze, un fllan d'keurde ?
Ô li répond : pe m'contenter y'est bin aisi,
Doune-me du biau dzambion d'la câve feurde !
Mâs qui qu'te m'tsante, t'perds don la boule,
T'poux toudze corre un sacré moument.
Quoi don dz'arros p'remplli leutés goules
A tes invités, l'dzo d'tòn entârrement ?!